Aurangabad Zile k Dev Niwasi “Rajendra Prashad Gupta” ka 30 warsiye putra “Anil Prashad Gupta” ko agyaat apradhiyon ne Sultani Ghaati me goli maar di

Aurangabad Zile k Dev Niwasi “Rajendra Prashad Gupta” ka 30 warsiye putra “Anil Prashad Gupta” ko agyaat apradhiyon ne Sultani Ghaati me goli maar di, jisse mauke wardaat par hi Anil ki maut ho gayi …. Ghatna us waqt ghati jab mritak Anil apne Sasur k sath Gaya (Bihar) me shadi ka rista apne Shala ka tay kar wapas hariharganj apne Sasuraal laut raha tha … Jaise hi ye log sham k karib 7 baje k aas-paas Sultani Ghaati pahuche waise hi bike pe sawaar do yuwak Anil k bike k bagal me pahuchkar danadan goliyan chalana shuru kar diya …. Apradhiyon ne pehla goli “Air me firing” ki , dusra Anil k sasur k pair me wa teesra Anil k pet me , jisse mauke par hi Anil ki maut ho gayi … Filhaal maamla thane me darj kara di gayi hai ….. 

Redma-Panki Road me tej gati se Panki ki aur ja rahi Bolero ped se ja takrayi

Redma-Panki Road me tej gati se Panki ki aur ja rahi Bolero ped se ja takrayi, koi hatahat nahi , dar asal sadak par baalu gire rehne k kaaran Driver ne apna santulan kho diya wa gaadi ped me ja takrai ….

Civil Surgeon Palamau ne apne karyalay me chikitsakon wa Hospital karmiyon k sath baithak ki

Civil Surgeon Palamau ne apne karyalay me chikitsakon wa Hospital karmiyon k sath baithak ki , baithak k dauraan RSBY k tahat jo ilaaz kiya jata hai jisse marijon k ugra variation ki wajah se “Star Health Insurance” Hospital ko paise nahi de rahe hain , jiski wajah se lagbhag 42 lakh rupaye fansa hua hai … Ispar mukhya roop se charch ki gayi…. Es dauraan paise ka bhugtaan kaise ho taaki scheme sahi dhang se chal sake espar gahan chintan manthan kiya gaya …

RDDE “Khagendra Kumar” ne apne karyalay me zile k tamaam schoolon k Principal k sath baithak ki

RDDE “Khagendra Kumar” ne apne karyalay me zile k tamaam schoolon k Principal k sath baithak ki …. Baithak ka mukhya udyesya Jharkhand Board k pariksha parinaam me zile ka Result kitna pratisat accha wa kitna partisat kharab raha , es wisay par mukhya roop se charcha hui …. Tatha espar gahan chintan manthan kiya gaya sath hi zile ka result aur behtar kaise ho , chatron ko school me kis tarah se acchi siksha di jaye etyadi wisayon par chintan-manthan kiya gaya ….

Zile k upayukt ”Kripa Nand Jha” ne apne karyalay me siksha wibagh k sath baithak ki

Zile k upayukt ”Kripa Nand Jha” ne apne karyalay me siksha wibagh k sath baithak ki …. Baithak k dauraan zile me chal rahe “Sarwa Siksha Abhiyaan” Para Sikshakon k kriya kalaap , school building wa “Mid day Meal” par charcha hui …. Baithak k dauraan Upayukt ne waise para teachers ko school me padhane par rok laga diya jo kisi bhi tarah k wiwadit ho…Sath hi sabhi B.O ko prakhand me hi rehne ka nirdesh diya wa DSE wa DEO ki jaanch karne ko bhi kaha, aage Upayukt ne Pipra me ardhnirmit School Bhavan ki jaan kar doshi padadhikaariyon par FIR karne ki batein kahi , sath hi sath 11 new bhavano ki bhi jaankaari li ….

Agyaat apradhiyon ne Haider Nagar k Mukhiya ko goli markar ki hatya ....

Agyaat Apradhiyon ne din dahade Daltonganj k Station Road me Goli Maarkar HaiderNagar k mukhiya "Dilip Kumar" ki hatya kar di ...

Ghatna us waqt ghati jab Mukhiya Dilip Tempo par sawaar hokar Chawmuhaan se station ja raha tha .... Jaise hi Tempo station road pahucha piche se bike par sawaar hokar apradhi tempo k najdik pahuche wa dindahade mukhiya ko 3 goli maarkar chalte bane ... mauke wardaat par hi mukhiya ki maut ho gayi ... station road pe afra tafri ka maahol ban gaya tha .... Ghatna sthal par SP "Y.S Ramesh" pahuche wa apradhiyon ko jald pakadne ki batein kahi .... 

Chattisgarh k Mitagai gaon k paas Commander k palatne se 2 logo ki maut wa darjano log ghayal ho gaye hain ....

Chattisgarh k Mitagai Gaon k paas Commander Palatne se karib 1 darjan log ghayal ho gaye hain ... dar asal garhwa k waligarh k rahne wale Viswakarma parivaar Chattisgarh k Mitagai gaon me shadi kar wapas laut rahe tabhi commander jeep palat gayi .... Jisse mauke wardaat pe 2 logo ki maut ho gayi wa darjano ghayal ho gaye .... Ghayalo ko Daltonganj sadar Hospital laya gaya , jahan unka ilaaz chal raha hai ....

4 wheeler ki chapet me aane se 12 warsiye "Rajan Uraon" ki maut ho gayi .....

Jorkat k paas 4 wheeler ki chapet me aane se lagbhag 12 warsiye "Rajan Uraon" ki maut ho gayi .... Gaaran Prakhand ka rahne wala mritak "Rajan Uraon" jorkat k paas hi dhaba me kaam karta tha .... Subah 9 baje k aas-paas road cross karne k dauraan Rajan wahan ki chapet me aa gaya , jisse uski maut ghatna sthal par hi ho gayi ....

SOHSA Bus k maalik ne Bus Stand me Panshala ka udghatan kiya ....

Bus Stand stith "SOHSA" Bus counter k paas panshala ka udghatan Sohsa Bus k maalik "Nikhil Kumar Lal urf Chintu" k dwara kiya gaya .... Udghatan k mauke par Shri Lal ne kaha ki Bus Stand me zile k door-daraaj se kaafi sankhaya me log aate hain wa kafi garmi wa Dhup kada padne ki wajah se gramino ko pani kharidkar pina padta hai ... Esliye gramino ki suwidha k liye we panshala ka subarambh kiye hain taki garib tabke k gramino ko aasani se pani uplabdh ho sake ....

Congress Youth k adyaksh "Bittu Pathak" ne jamkar Baba ramdev ki tippini ka wirodh kiya ...

Yog Guru "Baba ramdev" dwara diye gaye aapatijan bayan ka Palamau zila me chautarfa wirodh hona suru ho gaya hai .... Ese lekar Palamau Zila Youth Congress ne Baba Ramdev ka chaumuhaan Chowk par putla dahan kiya , mauke par karyakartaon ne baba Ramdev hosh me aao, Baba ramdev Murdabad etyadi naare bhi lagaye .... Karyakaram ka netritwa kar arhe palamau loksabha youth congress k adyaksh "Bittu pathak" ne chunao aayog se Baba Ramdev ki giraftaar karne ki maag ki .... Sath hi sirf Banaras me hi sabha karne par rok nahi baliki poore desh me sabha karne par rok ki maang ki hai .... Sath hi kaha ki daliton par diya gaya bayaan Congress bardasht nahi karegi, Baba Ramdev ko paagal karaar diya Bittu Pathak ne ....  

Jan witran pranali k dukandaar "Lalit Kumar Dubey" par card dhariyon ko pareshan karne ka aarop..

Chainpur prakhand k Purwadih Panchayat k darjano Gramin Zila Aapurti Padadhikaari se milkar purwadiha k jan witran pranali k dukandaar "Lalit Kumar Dubey" par card dhariyon ko pareshan karne ka aarop lagaya hai , gramino ne Shri Dubey par yah bhi aarop lagaya ki wo kabhi bhi samay par card dhariyon ko na  toh kerosene tel dete hain , na hi Ration hi ... wa Card dhari jab Shri Dubey se apne haq ki baat karte hain toh Shri Dubey gaali-galoj par utaaru ho jate hain .... Gramino ne aage kaha ki dukaandaar Shri Dubey apni wiklangta ka sahara lekar Card dhariyon ko kaafi pareshan karte hain .... Aage logon ne Shri Dubey k jagah dusre dealer k paas card sthanantaran karne ki maang ki hai .....

Urdu Middle School me "Deen-E-Haq" Conference ka aayojan kiya gaya ....

Sthaniye Muslim nagar stith Urdu Middle School me Jitli Jaimiyat Ahle Hdees ne ek jalsa ka aayojan kiya .... Karyakaram me sirkat karne "Peace TV" k mokarir Mumbai se Maulana Fajiullah Sheikh janab Khurshid Madni Pahuche hue the .... Karyakaram ka mukhya udhesya "Islam ka parichay" tha .... Jisme mahilaon k sath bhed-bhaw , Maa-Baap k sath "Hsun-E-School" wa Samajik Buraiyon par mukhya roop se charcha hui .... Karyakaram k dauraan Islam me mahilaon ko "Haq wa Haqooq" par charcha ki gayi .....

Chainpur k mangardaha ghati k paas Bus wa Maruti Car me takkar ....

Chainpur k mangardaha ghati me Bus wa Maruti Car k beech sidhi takkar ho jane se Maruti par sawaar 4 log buri tarah ghayal ho gaye .... Ghayala awastha me chaaron ko Daltonganj Sadar Hospital me bharti karaya gaya hai jahan uska ilaaz chal raha hai .... Ghatna us waqt ghati jab "Raja sahab Bus" Datonganj se sawari lekar Garhwa ja rahi thi jaise hi Bus Mangardaha Ghati k sameep pahuchi saamne se tej gati se aa rahi Maruti Car se takra gayi , Filhaal Bus wa Car ko Chainpur thane ne jabt kar thane me le aaya hai .... 

Sawarn Jayanti Sawrojgaar Yojna antargat nirmit Shahpur Chowk par sarkari awaas khali karane pahuche Chainpur BDO ....

Sawarn Jayanti Sawrojgaar Yojna antargat nirmit Shahpur Chowk par sarkari awaas khali karane pahuche Chainpur BDO "Vipin Kumar Dubey" se samooh ki adyaksh "Aarti SHarma" ne kaafi nik-jhok kiya , antatah Aarti Sharma ne Bhavan ki Chavi BDO ko saunp diya , BDO ne bhavan k sabhi darwajon me apna taala jad diya , es dauraan "Aarti Sharma" BDO wa Chainpur Thana Prabhari ko kaafi khari khoti sunayi ... Nok-Jhok itni badh gayi ki "Aarti Sharma" k bete ne BDO ko jaan se maarne ki dhamki de daali... Jiske khilaaf BDO ne chainpur thane me mukadma darj kiya hai ....

1 week se gayab “Praveen Chaurasiya” wa “Jonty Chaurasiya” ka saw GLA College k piche stith guryahi tola me mila …

Pichle lagbhag 1 saptah se laapata Kund Muhalla niwasi “Praveen Chaurasiya” wa “Jonty Chaurasiya” ka saw GLA College k piche stith guryahi tola me mila …. Saw ko zameen k andar gaad diya gaya tha ….. “Praveen Chaurasiya” wa “Jonty Chaurasiya” 23 April ki raat se ghar se yah keh kar nikle the ki wo jald ghar aa jayenge parantu we log fir wapas ghar nahi laute ,…. Tab se ghar wale dono ko dhund rahe the …. Ghar walon ne police me bhi gayab hone ka maamla darj karaya tha tab se police bhi dono ko khojne k liye jagah-jagah chapemaari kar rahi thi ….Aaj subah police ko guryahi tola k gramino ne suchna diya ki guryahi tola stith naale k paas ghadha khuda hua mahsoos hua jahan kutton ki jhund lagi hui thi …. Police twarit karyawahi karte hue ghatna sthal par pahuchkar ghadda khudwa kar dono saw ko bahar nikala , jiski pehchaan  “Praveen Chaurasiya” wa “Jonty Chaurasiya” k roop me hui …. Saw se kaafi badbu aa raha tha …. Saw ko dekhne se pata chal raha tha ki kisi ne pehle dono ko goli maar kar hatya kar di hai phir pair-haath bandhkar use zameen me gaad diya hai …. FIlhaal police maamle ki taftees me lagi hui hai wa Gangwaar ki ghatna se bhi inkaar nahi kar rahi hai …. Thana Prabhari “Manoj Thakur” ki baat mane toh “Praveen Chaurasiya” apradhi prawriti ka waykti thaw a haal hi mai Jail se bahar aaya tha ….   

Shahpur utri ki mukhiya “Nagma shaheen” ki adyakshta me sawain sahayta samooh ki mahilaon ki baitha hui ....

Shahpur utri ki mukhiya “Nagma shaheen” ki adyakshta me sawain sahayta samooh ki mahilaon ki baithak shahpur stith wiwah mandap me hui …. Baithak me kaafi sankhaya me samooh se judi mahilaen saamil hui …. Baithak k dauraan samooh ki mahilaon ne ek swar se samooh ki adyaksh “Arti Sharma” par aarop lagaya ki “Arti Sharma” bank dwara diye gaye samooh k paise ko hadap kar gayi hai ….. Wo samooh k bich paise nahi baanti , aaj bank se samooh ki mahilaon ko paisa jama karne k liye notice bheja ja raha hai ….. Mahilaon ne aage kaha ki samooh se judi adhiktar mahila athirit hai jiska laabh “Arti Sharma” utha rahi hai … Mahilaon ne mukhiya “nagma Shaheen” se tamaam mahilaon ka nayay dilane ki maang ki …  wahin mukhiya ne kaha ki jab tak mahilaon ko nayay nahi mil jata we andolan karengi ,…..

Wan Wibagh ne chapemaari kar Lakdiyon k bore ko jabt kar liya hai ....

Apne chapemaari abhiyaan k tahat wan wibagh ne Station Road se sahar me bechne ja rahe kaafi sankhaya me lakdi k bore ko jabt kar wan wibagh le aaye…. Gyat ho ki pratidin subah-subah DGR , BDM , Chopan se kaafi sankhaya me garib tabke k log Mangra wa Kechki k junglon se lakdi laakar Daltonganj me bechte hain ….

"Sanskar Bharti Palamau" k tatwadhan me Hasya Kavi Sammelan Sah: Musayara ka aayojan kiya gaya..

"Aarya Samaj Mandir" me "Sanskar Bharti Palamau" k tatwadhan me Hasya Kavi Sammelan Sah: Musayara ka aayojan kiya gaya , karyakaram ka udghatan bataur mukhya atithi “Awkaas Pratap” wan seva padadhikaari “Vyas Singh” wa DRDA k lekha padadhikaari “Anil Singh” ne sanyukt roop se deep prajwalit kar kiya … Es dauraan kaafi sankhaya me sthaniye wa door-daraaj se aaye kawiyon ne chunavi hulchul sahit anya muddo par ek se badhkar ek kavi shrotaon ko sunaye ….

Majdooron k haq wa haqooq ko lekar "Jharkhand Janshakti Majdoor Union" ne baithak ki ...

Majdooron k haq wa haqooq ko lekar Jharkhand Janshakti Majdoor Union ne Arhat Road stith DIwakar Complex me baithak ki …. Baithak ki adyakshta  Union k Kendriya Mahamantri “Rakesh SIngh” ne ki … Baithak k dauraan aaye din majdooron par ho rahe Sosan, palayan, berojgaari awam Shram wisay par chintan wa manthan kiya gaya ….. Sosit majdooron k adhikaar dilane wa sosan se mukti dilane par sarwasammiti charcha ki gayi … Es dauraan 7 sadasya logon ko manonit kiya gaya ….

Barati Gaadi durghatnagrast ho jane se , 2 logo ki maut wa darjano log ghayal ho gaye ....

Chhatarpur prakhand k Chaigona Dham k paas Barati Gaadi durghatnagrast ho gayi , jisse mauke wardaat par hi 2 logon ki maut ho gayi jabki darjano log ghayal ho gaye hain ….. Aas-Paas k gramino k sahyog se ghayalo ko Daltonganj Sadar Hospital laya gaya jahan unka ilaaz chal raha hai …. Dar asal Aurangabad Bihar k “NabiNagar” prakhand antargat “Murli Balaam” Gaon se 407 bus baraat lekar chhatarpur k daali gaon aaya hua tha …. Aaj din k karib 10 baje k aas-paas baraat vidai kara kar wapas laut rahi thi tabhi Driver ne apna santulan kho diya wa gaadi durghatnagrast ho gayi … Aisa anumaan lagaya jar aha hai ki Driver nase me dhut tha …. Marne walon me “Laxman Ram” Aurangabad wa  “Doman Ram” Chhatarpur k niwasi hai …. 

Chainpur Prakhand k logon ne Bijli Wibagh pahuchkar kiya hungama ....

Chainpur Prakhand k sekdon gramin Bijli Wibagh k mahaprabandhak karyalay pahuchkar pardarshan kiya …. Gramino ne es dauraan Bijli Wibagh par aarop lagate hue kaha ki Chainpur Panchayat k logon ko gramin chetra “Semra Fidar” se bijli aapurti ki jati hai wa bijli bill sahri dar par liya jata hai … wahi Shahpur chetra ko Daltonganj Fidar se bijli aapurti ki jati hai bawjood yahan k logon se gramin dar par bijli bill liya jata hai ….. Eski sikayat gramino ne maukhik roop se kayi baar kiya bawjood abhi tak koi karyawahi nahi hui ….. Abhi chainpur chetra ko pratidin maatra 4-5 ghante hi bijli mil pa rahi hai …. Gramino ne aage chainpur chetra ko Daltonganj Fidar se jodne ki maang ki hai sath hi sath hi chetawani di hai ki 28 April tak nahi joda jata hai toh chainpur k gramin 28 April k baad Daltonganj Shahpur Koyal Bridge ko jam kar denge …..

Para Teacher "Rajesh Shaw" ne dikhaya apna daanav roop ....

Ramgarh Prakhand niwasi wa chado school k para sikshak lagbhag 35 warsiye “rajesh saw” ki chitra Utkramik Madhya vidyalay k para sikshak “Shrikant Sharma” wa uske sathiyon ne do goli maari jo ek goli chehre ko chute hue nikla wa dusri goli jaangh ko touch karte nikla jisse Shri Shaw ghayal ho gaye … Ghayla awastha me Shri Shaw ko Daltonganj Sadar Hospital laya gaya jahan Shri Shaw ka ilaaz chal raha hai …. Chikitsako k anusaar Shri Shaw khatre se bahar batlaye ja rahe hain ……  Darasal Ghayal Shri Shaw ki patni Rekha Devi chitri utkramik vidyalay ki pracharya hai wa apradhi sikshak Shrikant bhi usi school me sikshak hai …. Shrikant School nahi k barabar jata hai jiske karan ghayal Shri Shaw ki patni wa school ki pracharya Rekha Devi apradhi sikshak Shrikant ki Absent laga deti thi esi ko lekar Shrikant wa Rekha Devi k husband Rajesh Shaw me barabar bahas bhi hoti hai ,,….. Aaj jaise hi Rajesh apni patniko school pahuchane school jar aha tha waise hi pehle se ghat lagaye Shrikant Sharma wa uske dost ne goli chala di ….. Filhaal maamla thane me darj kar di gayi hai wa police maamle ki taftees me jut gayi hai ….

40 warsiye "Sanjay Prashad" Bolero k chapet me aane se ghayal ....

Chatarpur Prakhand k khera dohar niwasi lagbhag 40 warsiye “Sanjay Prashad” singra mode k paas Bolero ki chapet me aane se ghayal ho gaye ,… Ghayala awastha med unhe Daltonganj Sadar Hospital me bharti karaya gaya jahan unka ilaaz chal raha hai …..Dar asal shri Prashad apni Two-Wheeler se chhatarpur se Latehar ja rahe the …. Jaise hi we Singra Mode k paas pahuche waise hi piche se aa rahi Bolero ne dhakka maar diya , jisse wo gir gaye ….

2 shatir apradhi giraftaar ,police maan rahi hai badi safalta ...

Garhwa Zila k Dhurki Thana Chetra k Khala Gaon se police ne 2 shaatir apradhiyon ko giraftaar kiya hai …. Giraftaar Apradhiyon k paas se police ne 2 Desi Rifle , 1 Pistol , 2 Satingun , 15 zinda Kartoos , 3 kokha wa Naxali Pithu aur Dairy baramad ki hai …. Police ise badi safalta maan rahi hai wa maamle ki taftees me lagi hai …..   

Motercycle ki chapet me aane se 1 mahila buri tarah Ghayal ....

Panki Thana chetra k baydohad gaon niwasi “Basanti Kunwar” Motercycle ki chapet me aane se ghayal ho gayi …. Ghayala awastha me use Daltonganj Sadar Hospital me bharti karaya gaya jahan uska ilaaz chal raha hai …. Ghatna subah k karib 9 baje k aas-paas ki hai jab Shrimati Kunwar apne ghar bachdohad se tetrai post office ja rahi thi rasta cross karne k dauraan wo motorcycle ki chapet me aa gayi …. Es ghatna me motorcycle chalak Md. Sarafal Ali bhi gambhir roop se ghayal ho gaya hai ….

12 warsiye Sahina Khtoon ko uske Fufa ne hi pit-pit kar ghayal kar diya ....

Nawa Bazaar k md. Shantaaj Khan ki 12 warsiye putri Sahina Khatoon ki uske apne hi fufa ne us samay pit kar ghayal kar diya jis waqt Sushri Khatoon ghar me murgi pakad rahi thi …. Pitai hone se Sushri Khatoon buri tarah ghayal ho gayi jiska ilaaz Daltonganj Sadar Hospital me chal raha hai … dar asal Sahina Khatoon k fufa Nayeem Khan hamesa nase me dhut rehta hai …..

Mahila ne kiya sarkari bhawan pe kabja .... BDO se ki nok-jhok

Sawarn Jayanti Sawrojgaar Yojna Antargat Nirmit Wees-Sawayn Sahayta Samooh k liye Bhawan par sarkari kabja dilane pahuche BDO par sawayn sahayta samooh ki sanchalika jam kar baras uthi …. Sath hi kah dala ki Aykar Sanhita ka fayda utha rahe hain ….. BDO unke jeete jee kabhi bhi wo sarkari bhawan ko nahi karegi khali …. Esi beech BDO wa Arti Sharma k beech kaafi nok jhok hui …. Dar asal Shahpur Chowk stith Kaanihouse ki zameen par sawayn sahayta samooh  ki baithak wa anya karyon k liye bhawan ka nirmaan zila prasasan ne kiya tha aur eski chavi samooh ki tatkaal adyaksh Arti Sharma ko saunpa tha …… wahin BDO Vipin Kr. Dubey kal subah 10 baje tak sarkari bhawan khali karne ka notice sarkari bhawan par chipka diya hai  wa kal mahila police k dekh rekh me khali karane ki batein kahi …. 

Ek hi ghar k do logon agyaat apradhiyon ne tej hathyaar se gala ret kar hatya kar diya gaya .... wahi 1 bacche ko ghayal bhi kar diya ....

Garhwa Zila k Kharondhi Thana Chetra k Gowardaah Gaon me 1 hi parivaar k do sadasyon ko tej hathyaar se gala ret kar agyaat apradhiyon ne hatya kar diya .... Jabki pariwaar k 1 baccha gambhir roop se ghayal ho gaya .... Mritak dampati ka naam "Moti Chand Ram" wa "Jogni Devi" hai jabki ghayal bacche ka naam "Kamlesh Ram" hai .... Ghatna k baad pure gaon me dahsat ka mahaul hai , ghayal bacche ka ilaaz Garhwa Sadar hospital me chal raha hai wahin dono saw ko police kabje me lekar antahparikshan k liye bhej diya hai .... 

Zile k SP ko asanka hai ki maamla Dayan-Wisahi ka hai .... filhaal police maamle ki taftees me jut gayi hai ....

Two-Wheeler se dhakka lagne se 18 warsiye Vikas Singh ki maut ghatna sthal pe hi ho gayi ....

Hariharganj Prakhand k gram Tendula Niwasi 18 warsiye Vikas ki maut Two-Wheeler ki chapet me aane se ho gayi ... Mritak Vikas Hariharganj Bazar stith apne dukaan se Cycle par sawaar hokar apne ghar Teiya ja raha tha ... tabhi piche se aa rahi Two-Wheeler ne piche se hi dhakka maar diya jisse mauke wardaat par hi vikas ki maut ho gayi .... Ghatna k baad mritak k ghar walon ne gaon k hi Vikram Singh, Lallu Singh , Matosh Singh wa Akhilest Singh par vikas ko maarne ka aarop lagaya hai .... Gharwalo k anusaar pichle dino zamini wiwaad ko lekar Vikas k sath Vikram Singh wa unke bhaiyon ne maarpit kiya tha ...

Baraat se wapas aa rahi Tempo durghatna grast hui ... 6 log ghayal ...

Lesliganj k Sangwaar se Baarati lekar ja rahi Tempo ko biti raat k karib 8:30 baje k aas-paas dubiyakhand k paas bus ne piche se dhakka maar diya ...jisse Tempo par sawaar karib 6 log ghayal ho gaye ... Aas-Paas k logon k sahyog se sabhi ghayalon ko Daltonganj Sadar Hospital laya gaya jahan 43 warsiye Ram Krishna ki maut ho gayi .... Shri Ram ki maut ki khabar Sangwaar Gaon me aag ki tarah fail gayi wa dekhte hi dekhte subah k karib 9 baje k aas-paas sangwaar gaon k mukhiya wa gramino ne sadar hospital me jamkar hungama kiya ... sath hi aarop lagaya ki chikitsako ki laparwahi se Ram Krishna ki maut hui hai ...  Gramino ki maane toh jab ghayalo ko Daltonganj Sadar Hospital laya gaya tha us waqt Hospital me na toh chikitsak the wa na hi karmi maujood the ....Agar samay par mritak Shri Ram ko sahi chikitsa waywastha uplabdha hota toh uski jaan bach jaati .... wahi ghatna ki jankaari lene pahuche Widhayak Widesh Singh ne Civil Surgeon samet hospital karmiyon ko jamkar fatkaar lagate hue Civil Surgeon ko laaparwahi baratne wale chikitsako wa karmiyon ko avilamb barkhast karne ki maang ki ..... sath hi hospital ki waywastha me bhi sudhar laane ki baatein kahi ...

BA Part-1 Geography ka practical nahi hone se aakrosit students ne tod-fod kiya ....

BA Part-1 k Geography ka practical nahi hone se aakrosit chatron ne GLA College stith Geography Section me jamkar tod-fod ki tatha wiswavidyalay pahuchkar wiswavidyalay k gate me tala jad jamkar wiswavidyalay prasasan k khilaf narebaazi ki .....

Dar asal BA Part-1 k Geography subject k practical k liye wibhag ne 24 wa 25 April ki suchna nikala tha ... jab chatra practical dene pahuche toh wibagh ne chatron ko yah kahkar tarka diya ki practical k liye sikshak wa external nahi aaye hain jisse chatra aakrosit ho uthe aur tod-fod ko anjaam diye .... 

Babu Veer Kunwar Singh ka 156vi Vijay Diwas manaya gaya ....

Babu Veer Kunwar Singh ka 156vi Vijay Diwas sahar me alag-alag jagahon par manaya gaya …..

Lok Vichar Manch k tatwadhan me sthaniye thana road stith Durga Mandal me manch k logon ne babu Veer Kunwar Singh k chitra par malyarpan wa pushpa arpan kar shraddha suman arpit kiya tatha unke veer gathaon se logon ko awgat karaya gaya …..

Wahi Guru Teg Bahadur Memorial Hall me Kunwar Singh Vijyotsav Sah: Pustakli marpan samaroh karyakaram ka aayojan kiya gaya …. Karyakaram me bataur mukhya atithi sthaniye widhayak sah mantra “K.N Tripathy” mukhya roop se upastith the …. Karyakaram ki suruwaat Babu Veer Kunwar Singh k chitra par phool maala chadhakar wa pushpa arpit kiya gaya …. Mauke par itihaaskaar Vyas Singh dwara likhit pustak North Palamau ka itihaas ka lokarpan kiya gaya …. Karyakaram ko sambodhit karte hue mantra “K.N Tripathy” ne jahan itihaaskaar Vyas Singh ki bhuri-bhuri prasansa ki wahi kaha ki yah pustak Palamau me charcha ka wisay bana rahega wa Palamau k itihaas ki yaad dilate rahegi …. Karyakaram k dauraan Kulpati Global Open Viswavidyalay, zila siksha padadhikari, lekha adhikari ne bhi apne apne wichar wayaqt kiye ….

3 Naxali giraftaar ..... Police ise maaanti hai badi safalta ....

Palamau Police ne gupt suchna k adhaar par Shahpur stith Puwe Area Commander “Mahendra Singh kakhaar” k ghar se Mahendra Singh Khakhaar sahit 3 ugrawadiyon ko dhar dabocha …. Giraftaar ugrawadiyon ki nisaandehi par police ne karso jungle se 1 “303 Rifle” k sath 70 zinda kartoos baramad kiya hai …. Press warta kar zile k SP “Y.S Ramesh” ne batlaya ki teeno ugrawadiyon me Lalan Singh kakhaar par darjano kaand ankit hain …. Jabki ugrawadi Mahendra Singh Kakhaar par Palamau wa garhwa  zile k kayi ugrawadi kando ka aaropit hai ….

Road pe baalu pasre hone se hui haadsa ....

Pandu prakhand k gram budhi khaad niwasi Ramesh Kr. Mahto apne chachere bhai Akshay Kr. Mahto k sath do-chakiye wahan par sawar hokar lesliganj ja rahe the , jaise hi we log rajwadih pahuche , sadak par gire baalu k wajah se gaadi ka santulan bigad gaya wa gaadi durghatnagrast ho gayi …. Jisse wahan par sawaar Ramesh Mahto wa Akshay Mahto buri tarah ghayal ho gaye ….. Aas-Paas k logon ki madad se dono ko Daltonganj Sadar Hospital laya gaya jahan inka ilaaz chal raha hai … Chikitsako k anusaar Akshay kumar ki haalat gambhir hai ….

Navketan Hall k paas ek 18 warsiye yuwati behoshi ki haalat me payi gayi ....

Navketan Hall k piche lagbhag 18 warsiye ek yuvti ko behoshi haalat me Palamau police ne sadar hospital me bharti karaya hai … Filhaal yuvti ki pehchaan nahi ho payi hai … Muhallawasiyon ne sadak k kinare behoshi haalat me pade yuvti ko dekhkar police ko suchna di thi ….

Garhwa me din dahade 1 Teacher ko goli maar kar hatya kar di gayi ....

Garhwa Sahar k Sadar Thane me mahaj 1 kilometer ki doori par Miskaar Muhalle me apradhiyon ne din-dahade Ramasai Ucchya Vidyalay k sikshak “Alok Kr. diwedi” ko goliyon se bhun dala …. Ghatna ki khabar sahar me aag ki tarah fail gayi wa dekhte dekhte aas-paas k gramino wa sikshakon ne NH-75 jaam kar diya wa sarkaar k virudh jamkar naare lagaye … . SP “Sudhir Jha” ne waha pahuchkar gramino wa sikshakon k gusse ko saant kiya wa kaha ki 24 ghante k andar we apradhyon ko pakad kar saja denge …. Dusre tarak mritak k ghar walo ka ro-ro kar bura haal tha …..

Latehaar me Naxali Sangathan TPC wa SJMM me mutbhed....

Latehaar ZIle k Chandwa Thana chetra k Kita gaon me naxali sangathan TPC wa Jharkhand Sangharsh Janmukti Morcha me hui bhisan muthbed me aatank ka prayaay naxali sangathan S.J.M.M ka supremo “Kuleswar” maara gaya … Din mangalwaar ki dopehar me naxali sangathan TPC ka dasta SJMM k supremo par eka-ek dhaba bol diya wa ghar ko gher kar andhadhund firing karna suru kar diya … virodh me SJMM supremo ne bhi goli chalayi parantu kuch der baad usne surrender kar diya … Surrender karne k baad TPC daste ne Kuleswar ko goli se chalni kar diya …. Haal hi me kuleswar ne eent-bhatte ka maalik “Naresh Shaw” ki hatya kar saw ko goods train me daal diya thaw a chunao k dauraan sapa karyakartaon ki pitai kar chetrame aatank macha diya tha ….